Buailfidh an tÚdarás Póilíneachta agus Sábháilteachta Pobail le Justin Kelly, Coimisinéir an Gharda Síochána, agus le hoifigigh shinsearacha go poiblí in Óstán Talbot i Loch Garman Déardaoin an 27 Samhain.
Buaileann an tÚdarás le Coimisinéir an Gharda Síochána go poiblí gach dara mí agus déanann sé an t-imeacht a chraoladh go beo ar ár suíomh Gréasáin agus ar ár gcainéal le YouTube.
Tá na cruinnithe sin ina ngné ríthábhachtach de chaidreamh an Údaráis le Coimisinéir an Gharda Síochána agus clúdaítear leo ábhair éagsúla a bhaineann le feidhmíocht póilíneachta.
Tá an cruinniú seo ina dheis díriú ar na saincheisteanna póilíneachta is tábhachtaí do mhuintir Loch Garman.
Beidh ár mbaill foirne shinsearacha agus comhaltaí an Údaráis i dteagmháil le Gardaí áitiúla agus le heagraíochtaí pobail freisin chun éisteacht lena n-eispéireas leis an bpóilíneacht agus le bheith dá bpóilíniú.
Beidh Gráinne Berrill, Stiúrthóir na hOifige Náisiúnta um Shábháilteacht Pobail, i láthair freisin.
Cliceáil anseo chun ticéid saor in aisce don imeacht seo a chur in áirithe.