Chuir an tÚdarás Póilíneachta agus Sábháilteachta Pobail (PCSA) cruinniú poiblí ar siúl le Justin Kelly, Coimisinéir an Gharda, in Ionad Oideachais agus Imeachtaí Richmond Déardaoin an 25 Meitheamh.
I dtús an chruinnithe, d’fhreagair Justin Kelly, Coimisinéir an Gharda, agus Paul Cleary, Leas-Choimisinéir, ceisteanna maidir le Tuarascáil Feidhmíochta na Chéad Ráithe ón nGarda Síochána.
Ina dhiaidh sin, bogadh an clár oibre ar aghaidh chuig póilíneacht ar bhóithre agus chuig cur chun feidhme na moltaí a d’eascair as Tuarascáil Crowe anuraidh.
I measc na dtopaicí eile a pléadh bhí treochtaí coireachta agus an fhreagairt póilíneachta, chomh maith leis an Iniúchadh Cultúir ón nGarda Síochána.
Cuireadh deireadh leis an gcruinniú le ceisteanna maidir leis an Tuarascáil Measúnaithe ó PCSA ar Athbhreithniú an Gharda Síochána ar Dhúnbhású, rud a foilsíodh Déardaoin an 25 Meitheamh.
Tionólfar an chéad chruinniú eile idir PCSA agus Coimisinéir an Gharda go príobháideach Déardaoin an 30 Iúil i gColáiste an Gharda Síochána ar an Teampall Mór.
Tionólfar an chéad chruinniú poiblí eile ar an gCabhán an 29 Deireadh Fómhair.